បឹងហ្គាឡូ ដឺឡាក់
បន្ទប់ដែលមានរចនាបថបែបខ្មែរបំពាក់ដោយម៉ាស៊ីនត្រជាក់ បន្ទប់ដឺឡាក់ចំនួន១២បន្ទប់អមជាមួយគ្រឿងសង្ហារឹមដែលយកចេញពីរោងជាងឈើរបស់យើងផ្ទាល់ ជាជម្រើសដ៏ល្អដែលអ្នកគួរចំណាយពេលសំរាប់ការសម្រាកលំហែ។ វាជាកន្លែងដែលធ្វើអោយអ្នកមានអារម្មណ៍ល្អ និង ផ្តល់អោយអ្នកនូវភាពរីករាយក្នុងការស្នាក់នៅ រួមជាមួយបន្ទប់ទឹកដ៏ប្រណិត ដែលមានទឹកផ្កាឈូកនិងអាងត្រាំទឹកផងដែរ។
បឹងហ្គាឡូ ព្រីម៊ែរ
ប្រសិនបើអ្នកចង់បានកន្លែងសម្រាកលំហែកាយកាន់តែធំទូលាយនោះ បឹងហ្គាឡូព្រីមែរចំនួន១២បន្ទប់របស់យើងគឺជាជម្រើសសម្រាប់លោកអ្នក ជាមួយនឹងផ្ទៃទំហំ៧៥ម៉ែត្រការ៉េ ។
សំខាន់ជាងនេះទៅទៀត ភ្ញៀវរបស់យើងពេញចិត្តជាមួយនឹងរានហាលធំទូលាយនិងទីធ្លារខាងក្រោម ដោយមានកូនគ្រែ តុ និងកៅអីបួនផងដែរ។
ផ្ទះខ្មែរប្រណិត
បន្ទប់ប្រណិតបំផុតរបស់យើងមានចំនួន១០បន្ទប់ ដែលមានទំហំធំទូលាយនិងជាជាកន្លែងស្នាក់នៅល្អបំផុតដែលពោរពេញដោយផាសុខភាពនិងសុខមាលភាពប្រចាំនៅក្នុងហ្វាមហៅស៍រីស្សត ដោយមានទំហំរហូតដល់ ៩៧ ម៉ែត្រការ៉េ។ ហេតុដូច្នេះហើយ ភ្ញៀវរបស់យើងមានអារម្មណ៍ដូចនៅផ្ទះរបស់ខ្លួនឯងចឹង។
បន្ទប់ប្រណិតរបស់យើងត្រូវបានសាងសង់ជាប់ផ្ទាល់ដី ដែលមានលក្ខណៈពិសេសសម្រាប់គ្រួសារដែលមានកុមារតូចៗ និងមនុស្សចាស់។ កាន់តែពិសេសជាងនេះទៅទៀត នៅក្នុងបន្ទប់ខ្លះក៏មានតាំងរូបថត ដែលជាស្នាដៃដ៏មានតម្លៃរបស់ស្ថាបនិកយើងគឺលោក ហាន់នេស ស្មីត ព្យួរនៅលើជញ្ជាំងផងដែរ។ ពិតជាពិសេសមែន!
